SketchUp-ის ოფიციალური გუნდი ესაუბრა მაიკლ კანოზას, პროდუქტის გრაფიკის ანალიტიკოსს, რომელიც მუშაობს სპეციალური ვიზუალური კოლაბორაციის დეპარტამენტში (საინტერესოა ასეთი თანამდებობის დასახელება!), იმის შესახებ, თუ როგორ ინარჩუნებს Steelcase-ი ლიდერობას თანამედროვე სამუშაო სივრცის ტენდენციებში და ქმნის გარემოს, რომელიც ეხმარება ადამიანებს მუშაობაში, სწავლებასა და ჯანმრთელობის შენარჩუნებაში.
Steelcase დაარსდა 1912 წელს. მათი პირველი პატენტი ეხებოდა მეტალის ნაგვის ყუთს — რითაც ბამბუკის მასალისგან დაწნული კალათის ნაცვლად გამოიყენეს ფოლადი. ეს იმ პერიოდის ქალაქებში სიცოცხლის გადამრჩენი ინოვაცია იყო, სადაც ხანძარი სწრაფად ვრცელდებოდა.
ამის შემდეგ კომპანიამ გაიდგა ფესვები, როგორც წამყვანმა ოფისის ავეჯის მწარმოებელმა. თუმცა ისინი მხოლოდ ავეჯის მწარმოებლები არ არიან. Steelcase-ი გამოირჩევა თავისი ღრმა ცოდნით კომერციული ინტერიერების სფეროში და ასევე განსაკუთრებული ვიზუალური კოლაბორაციის დეპარტამენტით. სწორედ ეს დეპარტამენტი უზრუნველყოფს ინდივიდუალურად დამზადებული პროდუქციის ვიზუალურ კომუნიკაციას წარმოებამდე.
წლების განმავლობაში Steelcase კომერციული ინტერიერების ტრანსფორმაციის ავანგარდში იყო. როგორც ციფრულმა ტრანსფორმაციამ, ასევე რეგულაციების ცვლილებებმა, კანოზას თქმით, მნიშვნელოვნად შეცვალა და განავითარა ინდუსტრია.
ამ ცვლილებებმა გავლენა მოახდინა როგორც პროდუქტის დიზაინზე, ისე იმაზე, თუ როგორ მუშაობს კომპანია თავის კლიენტებთან. ერთიანი, ყველასთვის ერთნაირი ავეჯის წარმოების ნაცვლად, კომპანიას მოუწია მორგებულ მოთხოვნებზე და საკონსულტაციო საჭიროებებზე ადაპტირება. ოფისის ავეჯის სფეროში ყოველთვის არსებობდა „სპეციალური პროდუქციის“ შექმნის საჭიროება. სწორედ ამიტომ იდეების წარმოება და მათი სწრაფად, ვიზუალურ ფორმატში გადმოცემა სივრცის დაგეგმვის პროგრამებში უმნიშვნელოვანესია.
ტენდენციები, ტენდენციები და კიდევ უფრო მეტი ტენდენცია.
სამუშაო გარემო დღეს უფრო მრავალფეროვანი და კომპლექსურია, ვიდრე ოდესმე
ადამიანები მუშაობენ უფრო ხანგრძლივი დროით. ასევე, ბოლო წლებში მკვეთრად გაიზარდა დისტანციურად მუშაობის პრაქტიკა. ზოგი თანამშრომელი სარგებელს იღებს ოფისში მუშაობით (მეორე სივრცე), სხვები კი ამჯობინებენ სახლიდან მუშაობას (პირველი სივრცე) ან კაფედან/კაფე-ბარიდან (მესამე სივრცე).
რას ნიშნავს პირველი, მეორე და მესამე სივრცეები?
სოციოლოგის რეი ოლდენბურგის მიხედვით, სახლიდან მუშაობა ითვლება „პირველ სივრცედ“, კაფეში ან ბარში მუშაობა — „მესამე სივრცედ“, ხოლო ოფისი არის „მეორე სივრცე“.
დღეს ეს „სივრცეები“ – განსაკუთრებით „მესამე სივრცე“ – იწყებს თანამედროვე სამუშაო გარემოს განსაზღვრას, რის გამოც წამყვანი ორგანიზაციები ცდილობენ თავიდან ჩამოაყალიბონ სამუშაო ადგილის დეფინიცია. მზარდი ბიზნეს მოთხოვნები, ხანგრძლივი სამუშაო საათები და დისტანციური თანამშრომლების რაოდენობის ზრდა კომპანიებს აიძულებს, მოძებნონ გზები თანამშრომელთა კომფორტის, ეფექტურობისა და ინოვაციურობის გასაზრდელად.
რა იზიდავს თანამშრომლებს „მესამე სივრცეში“?
„შესაძლებლობა იმუშაო ისეთ გარემოში, სადაც კოლეგები მუშაობაში ხელს არ გიშლიან, სახლში მსგავსი კომფორტის ავეჯი, ადამიანების ენერგიული ხმაური, ხარისხიან საკვებზე ხელმისაწვდომობა და მიმზიდველი ატმოსფერო,“ — ამბობს ფრენკ გრაზიანო, Steelcase-ის ინოვაციური აპლიკაციების მენეჯერი. „მესამე სივრცეები — საჯარო ადგილები, რომლებიც ადამიანებს ყოველდღიურობის გავლისა და შეკრების საშუალებას აძლევს — ინოვაციის შთაგონების წყარო და დისკუსიების გამამძაფრებელი იყო დასავლური ცივილიზაციის ისტორიის განმავლობაში.“
ის დამსაქმებლები, ვინც „მესამე სივრცის“ მნიშვნელობას აღიქვამენ, ცდილობენ ოფისში შექმნან სპეციალური ზონები, რომლებიც გუნდებს ენერგიას შემატებს და სტიმულირებას გაუწევს კრეატიულობასა და ინოვაციას. ამ ტენდენციის მაგალითია Google-ის ახალი კაფე, რომელიც კალიფორნიის კამპუსში გახსნა.
„ჩვენ ოფისში შემოგვაქვს სახლისა და საზოგადოების კომფორტი, რაც მესამე სივრცეს ახასიათებს, რათა ოფისი საუკეთესო სამუშაო ადგილად ვაქციოთ,“ — ამბობს გრაზიანო. „როცა ამას აკეთებ, ოფისის ფიზიკური ხასიათი და სოციალური გამოცდილება იცვლება. ეს სამუშაო კულტურაში გარდატეხას იწვევს.“
დიზაინის კავშირი მომხმარებელთა ღირებულებებთან
სამუშაო გარემოში ტენდენციები არა მხოლოდ თანამშრომლებისა და დამსაქმებლების დონეზე არსებობს, არამედ ჩამოყალიბდა მნიშვნელოვანი ინდუსტრიული ნიშებიც — მაგალითად, ინდივიდუალური ოფისის ავეჯის დიზაინი.
„ჩვენ ვხედავთ დიდ მოთხოვნას მომხმარებელს, დილერს, დიზაინერსა და ჩემს დეპარტამენტს შორის თანამშრომლობისკენ, რომელიც Steelcase-ში სპეციალურ ავეჯს ამუშავებს,“ — აღნიშნავს კანოზა. „მნიშვნელოვანია, რომ ყველა მხარე ერთ მიზანზე იყოს ორიენტირებული — სამუშაო გარემოს გაუმჯობესებაზე.“
ამ პროცესში მნიშვნელოვანი ადგილი უკავია მდგრად განვითარებას. თანამედროვე შეგნებული მომხმარებლის პირობებში, საწარმოო პროცესების სიფრთხილე და ხარისხი ხშირად გადამწყვეტ ფაქტორად იქცევა. სწორედ ამიტომ Steelcase განსაკუთრებულ ყურადღებას აქცევს მდგრადობას.
„ჩვენ გვჯერა, რომ საუკეთესო გადაწყვეტილებები მომხმარებლებისთვის უნდა იწყებოდეს ჩვენი გარემოსთვის საუკეთესო გადაწყვეტილებებით. სწორედ ამიტომ, თითოეულ ეტაპზე — დიზაინიდან, წარმოებასა და მიწოდებიდან პროდუქტის მთელ სიცოცხლის ციკლამდე — ჩვენ ვაფასებთ ჩვენს გავლენას ადამიანებსა და გარემოზე და ვეძებთ შესაძლებლობებს, რომ ყველაფერი უკეთესად გავაკეთოთ,“ — ამბობს გრაზიანო.
გარდა ამისა, კომპანია ინდივიდუალურ კლიენტებსაც აწვდის კონსულტაციას, რათა უზრუნველყოს, რომ მათი შეთავაზებები თითოეული ორგანიზაციის მდგრადობის მიზნებს შეესაბამებოდეს.
სამუშაო გარემოს ტრანსფორმაციის ფრონტზე
დღესდღეობით კლიენტები მოითხოვენ კრეატიულ და ხარჯთეფექტურ გადაწყვეტილებებს ოფისის სპეციალური ავეჯისთვის. Steelcase-ის გუნდი საათობით იკვლევს ოფისის ქცევებსა და ტენდენციებს, რათა მომხმარებელზე ორიენტირებულ მოთხოვნებს დაემორჩილოს. შემდეგ კი გუნდი წყვეტს, შესაძლებელია თუ არა დიზაინის წარმოება.
„ჩვენ ვიკვლევთ პროდუქტის განხორციელებადობას, სიცოცხლისუნარიანობასა და ღირებულებას და ამას ვიზუალური კომუნიკაციის სპეციალური პროცესით ვაწვდით,“ — ამბობს კანოზა.
მომხმარებლები, რომლებსაც ინდივიდუალური პროდუქტი სჭირდებათ, მოსალოდნელ დიზაინს უნდა ხედავდნენ მანამდე, სანამ ყიდვის გადაწყვეტილებას მიიღებენ. სწორედ ამიტომ Steelcase-ის დილერების დიზაინერებს უწევთ პროდუქტის პრეზენტაცია სართულიან გეგმებში რენდერებისა და სივრცის დაგეგმვის პროგრამების გამოყენებით.
ტექნოლოგიის გამოყენება ინოვაციისთვის
დიზაინის ინოვაციების და სამუშაო გარემოს ტენდენციების ავანგარდში ყოფნის გარდა, Steelcase აქტიურად იყენებს ტექნოლოგიას ამ ინიციატივების განხორციელებისთვის.
კომპანია იყო პირველი მწარმოებელი, რომელიც შევიდა მსოფლიოში უდიდეს 3D მოდელების ბიბლიოთეკაში — 3D Warehouse-ში. დღეს კი ის ერთ-ერთ უმსხვილეს მომწოდებლად ითვლება ამ პლატფორმაზე.
„ჩვენ CAD მოდელებს ვანთავსებდით SketchUp-ში და ვტვირთავდით 3D Warehouse-ზე, რათა მომხმარებლებს შესძლებოდათ მათი გადმოწერა,“ — აღნიშნავს მაიკლ კანოზა. „დღეს ამ მოდელებს ათასობით ადამიანი იწერს. ფაქტობრივად, 3D Warehouse-მა საფუძველი ჩაუყარა იმას, თუ როგორ ვმასპინძლობთ ახლა SketchUp სიმბოლოებს Steelcase.com-ზე.“
სიმბოლო არის ტერმინი, რომელიც აღნიშნავს 3D მოდელს, რომელიც კონკრეტულ პროდუქტს წარმოადგენს. როდესაც სიმბოლოს იღებენ Steelcase-ის დაგეგმვის პროგრამული უზრუნველყოფიდან, მას თან ერთვის დამატებითი მონაცემები — მაგალითად, ფერის, საფარის, მასალისა და ხარჯთაღრიცხვის შესახებ. ეს ინფორმაცია სრულად ინტეგრირდება დაგეგმვის პროგრამაში, რაც დილერ-დიზაინერებს ეხმარება პროდუქტების განთავსებაში სართულიან გეგმებში.
ამ სიმბოლოების გარეშე ოფისის კონფიგურაციების დაგეგმვა Steelcase-ის პროდუქტებით ძალიან რთული იქნებოდა.
ახალი ტექნოლოგიები და სამუშაო პროცესების ტრანსფორმაცია
SketchUp-ის დანერგვამ ახალი სამუშაო პროცესები და მიდგომები შექმნა, რაც მნიშვნელოვან გავლენას ახდენს როგორც სპეციალური პროდუქტების განვითარების, ისე კონცეპტუალური დიზაინის ეტაპებზე. ამ პროცესებში დიზაინერები, ინჟინრები, გაყიდვების წარმომადგენლები და ხარჯთაღრიცხვის სპეციალისტები ერთობლივად მუშაობენ, რაც თანამშრომლობის აუცილებლობას კიდევ უფრო ზრდის.
„ამ პროცესში ჩვენ ვიყენებთ SketchUp-ს. იგი გვეხმარება როგორც კომპოზიციის ინსტრუმენტი, სადაც სხვადასხვა ტიპის CAD მოდელებს ვაერთიანებთ და ვიზუალური კომუნიკაციისთვის ვამუშავებთ,“ — განმარტავს მაიკლ კანოზა, ხაზგასმით აღნიშნავს რა SketchUp-ის სარგებელს კომპანიაში.
SketchUp განსაკუთრებულ როლს ასრულებს ორ ძირითად მიმართულებაში:
- დიზაინის ვალიდაცია და აპლიკაციის კვლევა:
ეს ფუნქცია ეხმარება კლიენტებსა და ავეჯის დილერებს ვიზუალურად წარმოიდგინონ, როგორი იქნება ახალი (სპეციალური) პროდუქტი დამზადების შემდეგ. ამისათვის იყენებენ 3D მოდელებს და სართულიან გეგმებში ათავსებენ. ეს პროცესი ადგენს კლიენტის საჭიროებებს მანამდე, ვიდრე მოხდება მაკეტის ან პროტოტიპის შეკვეთა. - სპეციალური დიზაინის ვიზუალური კომუნიკაცია:
ეს არის კანოზას მიერ შექმნილი ახალი დეპარტამენტი, რომელიც მუშაობს ინდივიდუალური ავეჯის ნიმუშების „სპეციალური სიმბოლოების“ განვითარებაზე.
„ჩვენ ვიყენებთ SketchUp-ს, რადგან აუცილებელია ვიზუალური ფორმით გადმოვცეთ კლიენტის მოთხოვნა უნიკალურ დიზაინზე. სპეციალური სიმბოლო წარმოადგენს დიზაინს, რომელიც უკვე შეფასებულია ინჟინრისა და ხარჯთაღრიცხვის სპეციალისტის მიერ. ისინი წყვეტენ, შეძლებს თუ არა Steelcase პროდუქტის დიზაინსა და წარმოებას,“ — ამბობს კანოზა.
„თუ დილერებს ვაჩვენებთ, როგორი იქნება პროდუქტი, ისინი ადვილად გვთანხმდებიან მის შეძენაზე, სანამ ჩვენ ინჟინერიაში დამატებით რესურსს ჩავდებთ.“
ამ დეპარტამენტის უნარი, სწრაფად განავითაროს კონცეფციები, კრიტიკულია კლიენტების ინდივიდუალურ მოთხოვნებზე რეაგირებისას.
„თუნდაც კონკრეტული შეკვეთა ვერ მოვიგოთ, ჩვენ მაინც ვინახავთ ამ ნახაზებს სპეციალურ პლატფორმაზე, რათა დილერებმა მომავალ პროექტებში გამოიყენონ,“ — აღნიშნავს კანოზა. „ეს ძალზე ეფექტური გზაა უკვე შესრულებული სამუშაოს ხელახალი გამოყენებისთვის, მით უმეტეს, რომ დიზაინები ინჟინერულად უკვე დამოწმებულია.“
იმის გამო, რომ ყველა დიზაინი მკაცრ შეფასებას გადის, მომავალში კომპანია შეძლებს სწრაფად მოამზადოს კომერციული წინადადება და დარწმუნებული იყოს, რომ მათი წარმოება რეალურად შესაძლებელია. SketchUp ამ ახალი დეპარტამენტის წარმატების საკვანძო ინსტრუმენტად იქცა.
„ეს არის ეკონომიური და ეფექტური გზა სპეციალური პროდუქტის ვიზუალიზაციის შესაქმნელად,“ — ამბობს კანოზა. „SketchUp-ისა და LayOut-ის წყალობით უკვე 10,000-ზე მეტი მოდელი შევქმენით ადრე დამოწმებული დიზაინების საფუძველზე.“
SketchUp-ის გამოყენება გლობალურად
SketchUp-ის გამოყენება Steelcase-ით არ შემოიფარგლება. კომპანია მის გამოყენებას ფართოდ ავრცელებს სხვა საერთაშორისო ბიზნესცენტრებშიც. მაიკლ კანოზა ხელმძღვანელობს გლობალურ შეხვედრებს, სადაც მსოფლიოს სხვადასხვა რეგიონი უზიარებს ერთმანეთს SketchUp-ის საუკეთესო პრაქტიკებს.
„SketchUp-ის ძირითადი სარგებელი, რასაც მე აღვნიშნავ, არის პლატფორმის თავსებადობა, მოხერხებულობა და სწრაფი შესწავლა. ეს საშუალებას აძლევს ჩვენს ყველა დეპარტამენტს სწრაფად და ეფექტურად თანამშრომლობდნენ სპეციალური პროდუქტის დიზაინის ხარჯთაღრიცხვების მომზადების პროცესში,“ — აღნიშნავს კანოზა.
მზად ხართ, დაიწყოთ თქვენი უნიკალური პროექტის დიზაინზე მუშაობა? გახდით SketchUp-ის მომხმარებელი ან სცადეთ უფასო 7 დღიანი ვერსია დღესვე!
სტატიის წაყრო: www.sketchupaustralia.com